Bilera 2022ko urriaren 26 eta 27an izango da Bizkaiko B Accelerator Tower BAT dorrean, Bilbon
Bizkaia Dorrean dagoen Bizkaiko Nazioarteko Ekintzailetza Zentroak JADECARE Baterako Ekintzaren partzuergoaren bigarren bilera hartu du. Ekitaldiak 50 ordezkari baino gehiago bildu ditu Europako 16 herrialdetako 45 erakundeetakoak, osasun ministerioetako zuzendarietatik hasi eta ikertzaile teknikarietaraino. Proiektuaren aurrerapena partekatzea da helburua, azken urtean egindako jarduera nagusiak nabarmenduz, proiektuaren hasieratik lortutako emaitzak eta mugarriak azpimarratuz, eta azkenik, datozen hilabeteetan burutuko diren hurrengo ekintzak zeintzuk izango diren zehaztuz.
JADECARE Ekintza Bateratuak, Kronikgunek Europa mailan koordinatzen duenak, arreta integratua eta pertsonarengan zentratua ezartzeari ekiten dio, soluzio digitalen bidez. Proiektuaren esparruan, lau jardunbide on aldatzen ari dira Europako 21 osasun-testuingurutara, besteak beste, Euskadiko Jardunbide Egokia “Zahartzeari eta Kronikotasunari buruzko Euskal Estrategia: arreta integratua”.
JADECARE Ekintza Bateratuak osasun-agintarien gaitasuna indartzea proposatzen du, osasun-sistemen eraldaketaren alderdi garrantzitsu guztiak arrakastaz jorratzeko, arreta digitalki gaitua, integratua eta pertsonarengan zentratua lortzeko.
Proiektuari buruzko informazio gehiago nahi baduzu, klikatu ondorengo estekan.
Proiektuaren webgune ofiziala: https://www.jadecare.eu/
